Hukumomin jamhuriyar Nijar sun kama shugaban kungiyar kare muradan jama’ar jihar Tilabery da shugaban wata jam’iyyar hamayya saboda zarginsu da furta kalaman da ke barazana ga zaman lafiya, sai dai wasu ‘yan fafutika na daukar matakin a matsayin bita da kullin siyasa.
Masu Sharhi sun bayyana damuwa dangane da makomar bakin da suka makale a Sudan sakamakon yadda aka fara zargin wasu bakin da zama sojan hayar da ke kama wa bangaren ‘yan tawaye.
Wani binciken kasa da kasa ya bankado bayanan dake nuna alamun hannun tsohon shugaban kasa Issouhou Mahamadou a badakalar da karkashinta ake zargin mahukuntan Nijer sun hada kai da kamfanin Areva don sayar da tonne 2500 na karfen uranium ta bayan fage a shekarar 2011.
A cikin shirin na wannan makon; a makon da ya gabata shirin ya sauka a jihar Agadez dake yankin arewacin jamhuriyar Nijar inda a kashi na farko muka tattauna da shugaban kungiyar nakasassu na jihar Abdou Moutsallabi.
Gwamnatin Nijar ta ce ta samu nasarar kwashe jami’an diflomasiyyarta daga Sudan zuwa Djibouti a wani kokarin hadin gwiwa da kasar Faransa, sai dai wasu ‘yan kare hakkokin bil’adama na ganin ba a yi wa dalibai da sauran ‘yan Nijar mazauna Sudan adalci ba saboda yadda aka bar su a Khartoum.
A jamhuriyar Nijar, direbobin motocin dakon itacen girke-girke sun bayyana damuwa dangane da abinda ka iya zama makomar wannan fanni da ke matsayin hanyar makamashin miliyoyin ‘yan kasar.
Hukumar sadarwar jamhuriyar Nijar, ta kudiri aniyar samar da karin kudaden tallafi ga kafafe yada labarai masu zaman kansu kamar yadda abin yake a wasu kasashen yammacin Afrika ta yadda za su kara inganta ayyukan watsa labarai da tsara shirye-shiryen ci gaban kasa.
Kungiyar hadin kan kabilun Nijar wato NSC a takaice ta shirya bikin rarraba tufafin sallah da kayan abinci domin yara marayu da nufin ba su damar samun walwala kamar sauran yaran da iyayensu ke raye.
Ma'aikatar harkokin wajen Nijar ta tabbatar da labarin kama wasu ' yan kasar a Saudiya dake dauke da miyagun kwayoyi. Sai dai kawo yanzu ba a yanke musu hukunci ba kuma ba a san makomar su ba a cewar hukumomi.
Shugabanin kungiyoyin manoman albasa da masu fitar da ita kasashen ketare sun koka a game da babbar asarar da matsalolin tsaro ke haddasa wa wannan fanni inda ‘yan ta’addan Burkina Faso ke kona motoci dauke da lodin albasa akan hanyarsu ta zuwa Cote d'Ivoire da Ghana
‘Yan adawa a Majalisar dokokin Jamhuriyar Nijer sun bayyana damuwa dangane da yadda bangaren rinjaye ke haddasa cikas ga tsarin sulhun dake tsakanin bangarorin siyasar kasar.
Hukumomin Jamhuriyar Nijar da hadin guiwar kamfanin SONIMA sun kaddamar da ayyukan rajistar kananan bindigogin da ke hannun jama’a da nufin tantance fararen hular da suka mallaki makamai don takaita hadarin da ke tattare da rike bindiga ba akan ka’ida ba.
Kungiyar tarayyar turai ta ayyana shirin bada tallafin makamai wa wasu kasashen Afrika masu fama da matsalolin ta’addanci wadanda suka hada da Jamhuriyar Nijer da Somalia
Kungiyar kare hakkin ‘yan jarida ta kasa da kasa Reporters Sans Frontieres wato RSF a takaice ta bayyana damuwa a game da abinda ta kira yanayin tsaka mai wuyar da ‘yan jarida suka shiga a yankin Sahel.
An fara samun nasarar ayyukan tsaro na hadin gwiwa tsakanin kasashen Mali da Nijar masu fama da matsalar rashin tsaro.
Wannan yunkuri dai wani bangare ne na fafutukar ganin mutanen da ke tawaya sun mori ‘yancin da ke kunshe cikin yarjeniyoyin da kasashe suka cimma da Majalisar Dinkin Duniya.
Jami’an hukumar kula da shige da fice Kwastam na jamhuriyar Nijar sun fara yajin aikin kwanaki biyu da nufin nuna rashin nuna rashin jin dadinsu game da tsarin daukar sabbin ma’aikata na gwamnatin kasar.
Wasu ‘yan ci rani ‘yan asalin kasashen yammacin Afrika da aka tuso keyarsu daga Libya, sun yi zaman dirshan a ranar Litinin a ofishin hukumar kula da kaurar al’umma IOM, dake birnin Yamai da nufin nuna kosawa da rashin mayar da su gida kamar yadda aka yi masu alkawali a baya.
Sakataren harakokin wajen Amurka Antony Blinken da ke ziyarar wuni biyu a jamhuriyar Nijar ya sanar da karin kudaden tallafi ga kasashen yammaci da tsakiyar Afrika wadanda za'a yi amfani da su don inganta rayuwar al’umomin wadannan kasashe.
Sakataren harkokin wajen Amurka Antony Blinken ya isa Jamhuriyar Nijar a yau Alhamis 16 ga watan Maris inda zai tattauna da takwaransa Hassoumi Massaoudou ( Hasumi Masa’udu) kan batutuwan da suka shafi kasashen biyu masu dadaddiyar huldar diflomasiya.
Domin Kari
