WASHINGTON, D.C. - An kuma yi wa Shugaba Joe Biden gwajin na COVID-19 a yammacin ranar Litinin amma bai kamu da cutar ba, kamar yadda fadar ta White House ta fada cikin wata sanarwa.
"A yammacin jiya Litinin ne, a wani gwaji da aka yi ya nuna cewa uwargidan Shugaban kasar ta kamu da COVID-19," in ji darektan sadarwar ta, Elizabeth Alexander, a cikin wata sanarwa.
"Za ta zauna a gidansu da ke Rehoboth Beach, a jihar Delaware." Sanarwar ta kara da cewa. .
Biden ya dawo Delaware shi kadai a yammacin Litinin ba tare da uwargidansa ba.
"Bayan gwajin da aka yi wa uwargidan shugaban kasa na COVID-19 da ya nuna ta kamu da cutar ne ya sa a gaggauta yi wa Shugaba Biden gwajin na COVID duka a yammacin Litinin," in ji Fadar White House. "Gwajin ya nuna Shugaban bai kamu da cutar ba, amma za a yi wa Shugaban gwaji akai-akai a wannan makon kuma za a sa ido kan alamun."
Fadar White ba ta ce uffan ba, bayan da aka nemi ta yi karin bayani kan ko wannan lamari zai shafi tafiyar da za yi zuwa ketare.
-Reuters
Dandalin Mu Tattauna