Amurka Ta Bada Izinin Amfani Da Allurar Pfizer Ga Yan Shekaru 12 Zuwa 15
Hukumar kula da ingancin magunguna ta Amurka ta ba da izini ga kamfanin Pfizer da BioNTech na amfani da allurar rigakafin COVID-19 ga yara ƙanana daga shekaru 12 zuwa 15.
WASHINGTON DC —
An samu isashen allurar rigakafin a ƙarƙashin izinin yin amfanin gaggawa ko kuma (EUA) ga yara ƙanana daga shekaru 16 a Amurka. Masu samar da rigakafin sun ce sun fara aikin ne don samun cikakkiyar amincewa ga masu wadandan shekarun a makon da ya gabata.
Kira Lundell, 16, who is on the autism spectrum, receives a coronavirus disease (COVID-19) vaccine at Variety - the Children’s Charity of the Delaware Valley.
Hukumar Abinci da Magunguna ta Amurka ta ce za ta yi gyara a tsarin don ta hada da miliyoyin yara ‘yan shekara 12 zuwa 15.
Wannan ita ce allurar rigakafin COVID-19 ta farko da aka ba da izini a Amurka don wannan rukunin shekarun, wanda ake gani a matsayin muhimmin mataki don dawo da yara makarantu lafiya.
Shugaban Amurka Joe Biden ya nemi jihohi da su hanzarta samar da isashen allurar rigakafin ga kananan yara.
