Taron na Fadar ta White House ya zo ne bayan da ‘yan Jam’iyyar ta Republican suka aika wa Biden wasika, suna bukatar sa a ranar Lahadi da ya tattauna kan kudirin da ya gabatar na dala tiriliyan 1.9 maimakon kokarin ganin an amince da shi kawai da kuri’un‘ yan majalisar dokoki ta Democrats.
'Yan Republican sun nemi karamin zagaye na tallafi, gami da tsaurara matakai kan wadanda za su cancanci a basu kudin kai tsaye.
A cikin yarjejeniyar ta hadin kai ba tare da banbancin siyasa ba, sanatocin na Republican sun rubuta cewa, “mun kirkiro wani tsari na tallafin COVID-19 wanda ke ginawa a kan dokokin taimako na farko na COVID, dukkansu sun sami amincewa da goyon bayan bangarorin biyu, "Shawarwarinmu sun nuna yawancin abubuwan da kuka bayyana masu mahumminci, kuma tare da goyon bayanku, mun yi imanin cewa Majalisar za ta iya amincewa da wannan shirin da sauri tare da goyon bayan bangarorin biyu."
