WASHINGTON, D. C. - Ya yi wannan kiran ne a yayin wani taron kaddamar da tsare-tsare na jihohi kan magance matsugunin cikin gida” wato “Launch of the State Action Plans on Durable Solution to Internal Displacement” da za a aiwatar a jihohin Arewa guda hudu da suka hada da Adamawa, Benue, Borno, da Yobe, wanda aka gudanar a fadar shugaban kasa ta Villa a Abuja.
A wata sanarwa da mataimakinsa na musamman kan harkokin yada labarai Stanley Nkwocha ya fitar, mataimakin shugaban kasar ya bayyana dabarun da gwamnatin shugaba Bola Tinubu ta dauka wajen tunkarar kalubalen ‘yan gudun hijira a Najeriya, inda ya ce al’ummar kasar na ba da fifiko ga rayuwar al’ummarta musamman a wannan mawuyacin lokaci.
Ya kuma yi alkawarin cewa gwamnatin tarayya za ta himmatu wajen tabbatar da lafiyar da walwalar ‘yan gudun hijira a Najeriya.
Shirin ya samo asali ne daga maslaha ko dabarun da Babban Sakatare Janar na Majalisar Ɗinkin Duniya ya tsara kan ƙaura daga matsugunai wanda ke da nufin taimakawa mutanen da ke gudun hijira a cikin gida su sami mafita mai ɗorewa.
Dandalin Mu Tattauna