Washington D.C. —
Tauraruwar dan wasan Liverpool Mohamed Salah ta haska a Alkahira, babban birnin Masar inda ya zura kwallaye hudu a wasan da Masar ta lallasa kasar Djibouti da ci 6-0 a krawar neman gurbin shiga gasar cin kofin duniya.
Salah ya zura kwallaye uku tun a zagayen farko na mintuna 45 na wasan a filin wasa na kasa da kasa da ke Alkahira.
Ya zura kwallo ta hudu a lokacin da aka kusa tashi a wasan.
Masar wacce ta lashe kofin nahiyar Afirka sau bakwai ta gaza samun cancantar shiga gasar kofin duniya da aka yi a kasar Qatar.
A gefe guda kuma, Najeriya ta yi kunnen doki da ci 1-1 da Lesotho, yayin da Algeria ta yi galaba da ci 3-1 a kan Somaliya.
Dandalin Mu Tattauna