WASHINGTON, DC —
Gwamnan Babban Bankin Najeriya, CBN, Malam Sanusi Lamido Sanusi yace ya kamata a kwace kudade da kadarorin sata daga hannayen jami'an gwamnati da suka saci dukiyar al'umma. Sanusi Lamido Sanusi, ya fadi haka ne a lokacin da yake maida martani bayan da mukaddashin gwamnan jahar Kano Dr. Abdullahi Umar Ganduje ya kara jaddadawa gwamnan Babban Bankin cewa 'yan siyasar Najeriya su kan saci kudin Najeriya su kai kasashen waje su sayi dukiyoyi a kasashen waje amma kuma idan maganar ta fito fili gwamnati ba ta yin kokarin da ya kamata ta yi maganin abun.
Dr.Abdullahi Umar Ganduje ya ce, wannan ya na shafar matsayin Najeriya saboda sanadiyar hakan ne ya saka kasar a cikin jerin kasashen duniya da suka yi nisa a kan karbar rashawa, sannan yayi kira ga Babban Bankin Najeriya wato CBN, da Ma’aikatar kudi ta Najeriya su gaggauta karbo kudaden gwamnati da ake zargin tsohon shugaban Najeriya Marigayi Janar Sani Abacha da sacewa ya kai su ajiya kasashen waje.
Mukaddashin gwamnan na jahar Kano Dr.Abdullahi Umar Ganduje ya ce da irin kudaden nan na sata ake yin amfani ana sayen talakawa kuma ana gurbata demokradiya a Najeriya. Wakilin Sashen Hausa a jahar Kano , Mahmud Ibrahim Kwari ya aiko mana da karin bayani kamar haka:
Dr.Abdullahi Umar Ganduje ya ce, wannan ya na shafar matsayin Najeriya saboda sanadiyar hakan ne ya saka kasar a cikin jerin kasashen duniya da suka yi nisa a kan karbar rashawa, sannan yayi kira ga Babban Bankin Najeriya wato CBN, da Ma’aikatar kudi ta Najeriya su gaggauta karbo kudaden gwamnati da ake zargin tsohon shugaban Najeriya Marigayi Janar Sani Abacha da sacewa ya kai su ajiya kasashen waje.
Mukaddashin gwamnan na jahar Kano Dr.Abdullahi Umar Ganduje ya ce da irin kudaden nan na sata ake yin amfani ana sayen talakawa kuma ana gurbata demokradiya a Najeriya. Wakilin Sashen Hausa a jahar Kano , Mahmud Ibrahim Kwari ya aiko mana da karin bayani kamar haka:
