WASHINGTON, D. C. - Taimakon zai magance bukatun abinci na gaggawa da abinci mai gina jiki da kuma sauran tallafi, in ji Power.
Kuɗaɗen za su kawo jimillar taimakon gaggawa na Hukumar Raya Ƙasa ta Amurka ga Burkina Faso zuwa kusan dala miliyan 158 tun farkon kasafin kuɗin shekarar 2023.
A cikin sanarwar da Power ta fitar ta ce, "rikicin da ke kara tabarbarewa a Burkina Faso na faruwa a cikin al'ummomin da aka raba duniya da jin duriyarsu.” Power ta ce cikin sanarwar.
"Tashe-tashen hankula da hare-hare kan fararen hula da tabarbarewar ababen more rayuwa sun haifar da tarwatsa jama'a tare da dakile muhimman ayyuka, wadanda suka bar ‘yan Burkina Faso kusan miliyan 6.3, wato kusan kashi uku na al'ummar kasar cikin bukatar agajin gaggawa a bana."
-Reuters