Najeriya ita ce ta shida a iya taka kwallo a nahiyar Afirka yayin da Libya take matsayi na 33.
Washington D.C. —
A hukumance, an fitar da ranakun da kungiyar ‘yan wasan Najeriya ta Super Eagles za ta kara da ta Libya a wasannin neman shiga gurbin gasar AFCON ta 2025.
Super Eagles za su karbi bakuncin wasan farko a ranar 11 ga Oktoba a birnin Uyo na jihar Akwa Ibom.
Kwanaki hudu bayan wannan karawa kungiyoyin za su sake haduwa a Tripoli.
Super Eagles ce ke jagorantar Rukunin D da maki hudu bayan nasara ta 3-0 a gida akan Benin da kuma canjaras da suka yi da Rwanda a Kigali.
Libya tana rike da matsayi na karshe a cikin rukunin tare da maki guda daga adadin wasanni biyu da ta buga.
Najeriya ita ce ta shida a iya taka kwallo a nahiyar Afirka yayin da Libya take matsayi na 33.