A shekarar 2021 gwamnatin Senegal ta yi wa kundin tsarin mulkin kasar gyaran fuska lamarin da ya sa ‘yan hamayya suka kaddamar da yaki da abinda suka kira yunkurin tazarcen shugaba Sall.
A jawabin da ya yi ta kafar television mallakar gwamnati a yammacin jiya litinin Macky Sally ya bayyana cewa ba zai shiga zaben shugaban kasa na faberun 2024 ba duk da cewa kundin tsarin mulkin Senegal bai hana masa shiga wannan fafatawa ba inji shi.
Shugaba Macky Sall wanda ke gab da kammala wa’adin mulkinsa na 2 na karshe ya aiwatar da gyaran fuska wa kundin tsarin mulki a shekarar 2021 abinda ke nufin daga yanzu shugaban kasa zai yi mulkin tsawon shekaru 7 sau 1 tak a maimakon shekaru 5 sau 2 matakin da ya haifar da dambarwa hade da kazamar tazoma domin a tunanin ‘yan hamayya take take ne irin na yunkurin tazarce kamar yadda ‘yan magana ke cewa sane sanin hauka zubda miyau.
Saurari rahoton cikin sauti:
