A wani abinda ke fayyace alamun baraka a tsakanin hukumomin Mali, fira ministan gwamnatin rikon kwaryar kasar, Dr Choguel Maiga ya caccaki shugaban rikon kwaryar kasar, Janar Assimi Goita da mukarrabansa.
Malaman makaranta a Jamhuriyar Nijar sun fara yajin aikin kwana biyu daga yau Litinin da nufin tada hukumomi daga barci a game da wasu dadaddun bukatun da suka ce an yi biris da su duk kuwa da cewa magana ce ta kyautata rayuwar malamai
Kungiyar Transparency International ta gargadi mahukuntan Jamhuriyar Nijar da su soke yarjejeniyar ayyukan gina matatar da suka cimma da kamfanin Zimar na kasar Canada bayan da ta ce bincikenta ya gano cewa kamfanin Zimar na daga cikin irin kamfanonin da ke kewaye wa hanyoyin biyan haraji
Shugabanin kabilun karkarar Filingue dake jihar Tilabery a Nijar sun cimma yarjejeniyar zaman lafiya a yayin taron sulhun da hukumar wanzar da zaman lafiya ta shirya da nufin kawo karshen zaman doya da manja da aka fuskanta tsakanin al’umomin yanki mai fama da aika-aikar ‘yan bindiga da barayi.
Kasar Morocco ta gina wa Jamhuriyar Nijar tashar samar da wutar lantarki mai amfani da injinan man dizel kyauta a yankin babban birnin Yamai.
Masu fufutukar kare muhalli sun yi tattaki a yau zuwa birnin Yamai na Nijar da nufin nuna rashin jin dadi game da abin da suka kira jan kafar da ake fuskanta wajen tilasta wa kasashen da ke gurbata muhalli biyan diyya sakamakon illolin da suke haddasawa al'umomi da muhalli a kasashe masu tasowa
Masu sharhi kan al’amuran yau da kullum a Jamhuriyar Nijar sun fara bayyana matsayinsu dangane da zaben Amurka na ranar Talata 5 ga watan Nuwamba bayan da aka ayyana dan takarar jam’iyyar Republican Donald Trump a matsayin wanda ya yi nasara a fafatawarsa da Kamala Harris ta jam’iyyar Democrat.
A yayinda a yau Amurkawa ke halartar rumfunan zabe domin kada kuri’ar raba gardama a tsakanin Kamala Harris da Donald Trump a fafatawar neman shugabanci, masu bin diddigin siyasar kasa da kasa sun fara zayyana wasu daga cikin muhimman ayyukan da ya kamata sabuwar gwamnatin ta maida hankali kansu
Gwamnatin mulkin sojan kasar Jamhuriyar Nijar ta cimma wata yarjejeniyar kafa wata sabuwar matatar mai da kamfanin Zimar na Canada da nufin samar da wadatar man fetur da iskar gas a kasar da na kasuwanci.
A sanarwar da suka fitar kungiyoyin, a karkashin jagorancin Issoufou Sidibe, sun fara ne da nuna gamsuwa kan wasu muhimman matakan da suka ce hukumomin mulkin sojan Nijar sun dauka daga lokacin da suka karbi madafar iko.
A makon da ya gabata an ji yadda masu bukata ta musamman suka jajirce akan aiyukan bunkasa damben zamani na guragu a kasar Ghana.
Wannan wani yunkuri ne da ke hangen kariya daga illolin irin wadannan magunguna da suka mamaye kasuwannin kasar ba a kan ka’aida ba.
Ana zarginsu da yada bayanan tada zaune tsaye da kulla makarkashiya da cin amanar kasa da ma bada gudumowa a yunkurin katse hanzarin rundunar tsaron kasa da nufin haddasa cikas wa aiyukan tsaro.
Ma’aikatar agajin gaggawa a Jamhuriyar Nijar ta sanar cewa sama da mutane 300 ne suka rasu, kuma akalla 400 suka raunata sannan mutane sama da miliyan 1 suka rasa muhallansu sakamakon ambaliyar ruwa.
Shawarar ta hada da maganar aika karin sojoji a yankin hade da bukatar shigar da matasan yankin a ayyukan yaki da ta’addanci.
An gudanar da bikin Ranar Malaman Makaranta ta Duniya ta bana - 2024, wanda majalisar dinkin duniya ta ware a shekarar 1994 da nufin karfafa wa malamai guiwa a ayyukan ilmantar da al’umma.
A yayinda aka fara girbe amfanin gona a yankuna da dama na jamhriyar Nijar ofishin ministan kasuwanci ya hana fitar da abincin da suka hada da shinkafa da hatsi da dawa zuwa ketare da nufin samar da wadatar cimaka akan farashi mai rangwame a kasuwannin kasar.
Hukumomim Burkina Faso sun ce sun yi nasarar dakile wasu hare-haren ta’addancin da aka yi yunkurin kai wa a lokaci guda a wasu mahimman wuraren birnin Ouagadougou ciki har da fadar shugaban kasa.
Ambaliyar da ake fama da ita sakamakon ruwan da ake tafkawa a jamhuriyar Nijar ya yi sanadin daga ranar komawar dalibai ajin karatu zuwa 28 ga watan Oktoban dake tafe a maimakon 1 ga wata.
Domin Kari
