WASHINGTON, D. C. - Da Putin ke magana kwanaki kadan gabanin zaben da za a yi a tsakanin 15-17 ga Maris wanda tabbas zai kara masa shekaru shida akan karagar mulki, ya ce yanayin yakin nukiliyar ba na “gaggawa” ba ne kuma bai ga bukatar yin amfani da makaman nukiliya a Ukraine ba.
Putin, mai shekaru 71, ya shaidawa gidan talabijin na Rossiya-1 da kamfanin dillancin labarai na RIA cewa, "Daga fannin na’urorin soja, ba shakka a shirye muke."
Putin ya ce Amurka ta fahimci cewa idan ta jibge sojojin Amurka a yankin Rasha ko kuma zuwa Ukraine, to Rasha za ta dauki matakin a matsayin shiga tsakani.
Putin yace, Amurka ta fahimci cewar matukar ta tura dakaru zuwa yankin Rasha ko na Ukraine, Rashan zata dauki hakan a matsayin kai dauki.
Yakin da ake yi a Ukraine ya haifar da rikici mafi muni a dangantakar Rasha da kasashen Yamma tun bayan rikicin makami mai linzami na Cuba a shekara ta 1962 kuma Putin ya yi gargadin cewa kasashen yammacin duniya na fuskantar kasadar haifar da yakin nukiliya idan suka tura sojoji zuwa Ukraine.
Putin ya tura duban dakaru zuwa Ukraine a cikin watan Fabrairun 2022, wanda ya haifar da cikakken yakin bayan shekaru takwas na rikici a gabashin Ukraine tsakanin sojojin Ukraine da ke gefe daya da 'yan Ukraine masu goyon bayan Rasha a daya bangaren.
-Reuters
Dandalin Mu Tattauna