Jiya asabar kungiyar kasashen Larabawa ta hanawa wasu jami’an Syria goma sha tara amfani da kadarorinsu kuma ta hana su kai ziyara kasashen Larabawa.
Bayan wani taro da suka yi a birnin Doha, Ministan harkokin wajen Qatar Sheikh Hamad Bin Jassim Al Thani wanda shine shugaban kwamitin samun zaman lafiya na kungiyar yace, kwamitin ya baiwa kasar Syria wa’adin zuwa yau lahadi tazo birnin Doha ta sanya hannu akan yarjejeniyar kawo karshen amfani da karfin soja wajen murkushe masu zanga zangar.
Haka kuma a jiya asabar ‘yan kishin kasa sunce akalla mutane ashiri da uku ne aka kasha a duk fadin kasar Syria. Shedun gani da ido sunce fada na kara kamari a yan kwanakin nan a yayinda ake samun karin sojoji da suke ficewa daga soja.
