Tuni dai kasar Mali ta kai hare-hare ta sama kan maboyar 'yan ta da kayar baya a birnin Tinzaouaten da kewaye jim kadan bayan da Abzinawa da mayakan Islama suka kashe wani adadi mai yawa na sojojin Mali da sojojin haya na Wagner na Rasha a kusa da garin a cikin watan Yuli.
Garin da ke kusa da kan iyaka da Algeria, ya sake fuskantar wani hari da jirage marasa matuka a ranar Lahadin da ta gabata, in ji mai magana da yawun gamayyar kungiyoyin 'yan tawaye da aka fi sani da Strategic Framework for Defence of the People of Azawad (CSP-DPA) a cikin wata sanarwa.
Hare-haren dai sun auna wani kantin magani da taron jama'a, wanda ya yi sanadiyar mutuwar fararen hula 21 na wucin gadi, ciki har da yara 11 da manajan kantin. Wasu da dama kuma sun jikkata kuma an samu barna mai tsanani.
Reuters
Dandalin Mu Tattauna