WASHINGTON, D. C. - Biden, a wata hira da ya yi da CNN, ya ce har yanzu Amurka na jajircewa wajen kare Isra’ila, kuma za ta samar da makaman roka samfurin Iron Dome da sauran makaman kariya, amma idan Isra’ila ta shiga Rafah, “ba za mu ba ta makamai da albarusan atilari ta yi amfani da su ba."
A tarihi Amurka dai, ta ba da taimakon soji mai yawa ga Isra'ila. Hakan kuwa sai ma karuwa ya yi bayan harin da Hamas ta kai a ranar 7 ga watan Oktoba wanda ya yi sanadin mutuwar mutane 1,200 a Isra'ila tare da kai ga daukar mutane kimanin 250 da mayakan su ka yi don garkuwa da su.
Kalaman Biden da shawarar da ya yanke a makon da ya gabata na dakatar da jigilar manyan bama-bamai zuwa Isra'ila su ne mafi daukar hankali na ci gaba da takun saka tsakanin gwamnatinsa da gwamnatin Firaministan Isra'ila Benjamin Netanyahu.
Biden ya ce akwai bukatar Isra'ila ta kara kaimi wajen kare rayukan fararen hula a Gaza.
Jirgin ya kamata ya ƙunshi bama-bamai 1,800 2,000 (kilogram 900) da bama-bamai 1,700 500 (kilogram 225), a cewar wani babban jami'in gwamnatin Amurka wanda ya yi magana kan sharadin sakaya sunansa don yin bayani akan wannan batun mai mahimmanci.
Abin da Amurka ta fi damuwa a kai shi ne manyan bama-bamai da kuma yadda za a iya amfani da su a cikin birni mai yawan gaske.
"An kashe fararen hula a Gaza sakamakon wadannan bama-bamai da sauran hanyoyin da suke far ma cibiyoyin jama'a," in ji Biden ga CNN. "Na bayyana cewa idan sun shiga Rafah, tun da har yanzu ba su je Rafah ba, idan suka shiga Rafah, ba zan ba da makaman da aka yi amfani da su a tarihi don fada wa Rafah ba, don kawar da garuruwa." wadanda ke da matsalar."
Sakataren tsaro Lloyd Austin da safiyar Laraba ya tabbatar da batun jinkirta makaman, yana mai shaida wa kwamitin kasafin kudi na Majalisar Dattawa kan tsaro cewa Amurka ta dakatar da "shigo da wasu manyan bindigogi."
-AP
Dandalin Mu Tattauna