Gwamnatin jahar Kaduna ta tabbatar da cewa Boderi Isyaku ne da ya jagoranci manyan hare-hare a jihar Kaduna da ma wasu makwabtan jahohi, inji mukaddashin kwamishinan tsaro na jahar Kaduna, malam Samuel Aruwan.
Masana harkokin tsaro irin su manjo Yahaya shinko mai-ritaya na ganin dole a jinjinawa jami'an tsaro kan wannan kokari amma ya ce wajibi su cigaba ta tashi tsaye.
A hirar shi da Muryar Amurka, Alh. Dayyabu Kerawa wanda ya jagoranci al-umar garurrruwan da ke yammacin Zariya da su ka yi koke a kan yadda 'yan-bindiga ke kai hare-hare a yankunan su, kuma ya ce jin labarin kashe kasurgumin dan-fashin dajin ya sa sun fara ji akwai yuwuwar su koma noma bana.
Cikin watan Fabarairun nan dai 'yan-bindiga sun kai hare-hare a wasu yankunan kananan hukumomin Igabi, Giwa, Chukun, Kaura da Kajuru sai dai ana sa ran wannan nasarar kashe 'yan-fashin dajin, ka iya kawo karshen barazanar tsaro a wadan nan yankuna.
Saurari rahoton:
Dandalin Mu Tattauna