Wata matashiya Ruqqaya Abdulla, ta bayana nasarar da ta samu bayan mutuwar auren ta, tace ta koma makarantar boko bayan mutuwar auren wuri da aka yi mata domin tun ta aji uku a makarantar sakandare ne aka cire ta aka yimata aure.
Ta bayyanawa wakiliyar DandalinVOA a birnin Kano, cewa daga mutuwar auren sai ta koma makarantar sakandare inda ta shiga aji na shida ta zana jarrabawan WAEC da NECO ta kuma sami nasarar ta take bukata domin ci gab aka neman ilimi.
Ta kara da cewa tana fitowa daga gidan aure bata yi kasa a gwiwa ba sakamakon tana sha’awar aiki, inda ta nemi kwalejin Sa’adatu Rimi a cewarta tana tunanin ba zata sami gurbin karatu ba a Kano poly, inda daga bisani ta sami gurbin karatun a can
Ruqqaya ta ce kafin ta kammala karatu dama akan turasu gidajen jarida da na Rediyo domin koyon makamar aiki jarida a zahirance, gamawarta ke da wuya ta nemi aiki a wasu kafofin watsa labarai da dama inda dag bisani ta cimma burinta ta sami aiki a wata sabuwar tashar Rediyo da aka bude.
Ta kuma jan hankalin ‘yan uwan ta mata da su dage wajen neman ilimin domin a cewarta da ilimi ne diya mace zata cimma duk wani buri da take tunani a rayuwa.
Your browser doesn’t support HTML5
Yanzu Na Cimma Buri Na - 6'09"