TARABA, NIGERIA - Hassan Ibrahim sakataren sarkin ne ya shaidawa Muryar Amurka abin da ya faru da kuma yadda suka ji karar harbe-harbe a cikin gari bayan saduwar sa da sarkin.
Alhaji Iliyasu Galadiman Sansani na Gasol, ya tabbatar da cewa lamarin ya faru ne a gidan sarkin inda yake karbar baki a yankin na Sansani, ya kuma yi kira ga al’ummar garin da su zauna lafiya.
Abdulahi Sa'adu, shugaban karamar hukumar Gasol ya ce yanzu haka suna gidan sarkin suna karbar gaisuwa da kuma shirye-shirye na yadda za'a yi jana’izar sarkin.
Yayin hada wannan rahoton, mun yi kokarin jin ta bakin ‘yan sadan jihar Taraba amma haka bata cimma ruwa ba, mun kuma aika da sako da kuma yi masu waya amma ba amsa.
Saurari cikakken rahoto daga Lado Salisu Garba:
Your browser doesn’t support HTML5
Wasu ‘Yan Bindiga Sun Kashe Wani Basarake A Jihar Taraba.mp3