Sauran Duniya

Mahaukaciyar Guguwar Beryl Ta Yi Barna A Kudu Maso Gabashin Caribbean

Mahaukaciyar Guguwa Beryl

Dubi ra’ayoyi

Guguwar Beryl ta ratsa kan ruwa a ranar Talata a matsayin wata mummunar guguwa mai rukuni 5 a kan hanyar da za ta bi kusa da Jamaica da tsibirin Cayman bayan da ta afkawa yankin kudu maso gabashin Caribbean, inda ta kashe akalla mutane biyu.
WASHINGTON, D. C. — 

An bada gargadin guguwa ga Jamaica da kuma tsammanin guguwar ta isa Grand Cayman, da Little Cayman da Cayman Brac.

An yi hasashen karfin Beryl ta ragu a ranar Talata amma har yanzu tana dauke da karfi lokacin da za ta wuce kusa da Jamaica ranar Laraba, tsibirin Cayman a ranar Alhamis da tsibirin Yucatan na Mexico a ranar Juma'a, a cewar Cibiyar Guguwa ta kasa.

Beryl ita ce guguwar farko ta rukuni 5 da ta taɓa tasowa a cikin Tekun Atlantika, wanda ruwan dumi ya rura ta.

Da sanyin safiyar Talata, guguwar ta kasance a nisan mil 370 (kilomita 595) kudu maso gabas da Isla Beata a Jamhuriyar Dominican. Tana dauke da iska mai karfi na 165 mph (270 kph) kuma tana ratsawa ta yamma-arewa maso yamma a 22 mph (35 kph).

"Beryl dai ta kasance mahaukaciyar guguwa ta 5 mai ban mamaki," in ji Cibiyar Guguwa ta kasa.

An bada gargadin guguwa ga daukacin gabar tekun kudancin Hispaniola, tsibirin da Haiti da Jamhuriyar Dominican suka raba.

-AP