Maharban Adamawa dake yankin Madagali sun sami nasarar dakile yunkurin 'yan Boko Haram na cigaba da kai hari a kauyukan Madagali ta yi masu kwantan bauna.
Shugaban maharban na yankin Madagali yace jiya da dare mayakan Boko Haram suka yi yunkurin shiga wani kauyen Duguri amma maharban da su ma sun yi kwantan bauna sun bude masu wuta. Haka ma na bakin kwalta da suke lura da hanyar da 'yan Boko Haram su ke bi sun kashe wani shugaban 'yan Boko Haram din. Yau da safe suka samu gawarsa da wasu gawarwaki da bindigogi.
Kayan da 'yan Boko Haram suka diba a kauyen da suka kai hari duk maharban suka kwato yayinda suke bude masu wuta.
Ga rahoton Ibrahim Abdulaziz da karin bayani.
Your browser doesn’t support HTML5
Maharban Adamawa Sun Dakile Yunkurin Boko Haram Na Kai Hari a Madagali - 2' 44"