Bangaren hada hadar 'yan wasan kwallon kafa kuwa, yayinda ake yunkurin rufe hada hadar saye da sayarwar 'yan wasan kwallon kafa na duniya a karshe watan janairu shekara ta dubu biyu da Sha bakwai.
Dan wasan gaba na Kingiyar kwallon kafa ta Westham United, Dimitri Payet, ya koma Kungiyar Marseilles, dake kasarsa ta Faransa bayan da ya shafe watanni goma sha takwas ya na taka leda a kungiyar Westham
Marseilles, wadda ta biya fam miliyan £25 wajan sayen dan wasan.
Ita kuwa Uwargidan dan wasan gaba na kasar Ingila, kuma kaftin a kungiyar kwallon kafa ta Manchester United, Wayne Rooney, Misis Coleen, tace ta na goyan bayan mijinta da ya koma kasar China, da taka leda inda wata kungiya a kasar ta China, ta yi masa tayin fam miliyan £140, domin sayensa in har ya amince.
A ranar Asabar da ta wuce ne Rooney ya jefa kwallonsa ta 250, a kungiyar ta Manchester, inda ya shafe shekaru Goma sha uku yana fafatawa a Kungiyar ta Manchester United.
Ivonavic, na dab da barin kungiyar Chelsea, zuwa Zenit, dake kasar Rasha, ana sa ran zai rattaba hannun na tsawon shekaru biyu da rabi.
Mai horas da kungiyar kwallon kafa ta Manchester United, Jose Mourinho, yace ba ya da sha'awar komawa wata kungiya a kasar China, Amman bai hana wani dan wasa zuwaba Kamar yadda wasu manajoji sukeyi.
An zabi Adam Lalana, na Liverpool, a matsayin dan wasan da yafi kowa kwazo na shekarar dubu biyu da sha shida a kasar Ingila.