A cigaba da wasannin da akeyi na cin kofin kasashen Afirka AFCON 2017 a kasar Gabon, a ranar Asabar da ta gabata an fafata a matakin wasan Kusa da na kusa da na karshe.
Inda Kungiyar kwallon kafa ta kasar Burkina faso ta doke Tunisia da ci 2-0, Senegal kuwa ta Sha kashi a hannun Cameroon ne da kwallaye 5-4, a bugun daga kai sai mai tsaron gida (penalty)bayan antashi
wasan 0-0.
A Jiya lahadi kasar Congo DR tasha kashi a hannun Ghana daci 2-1,
Ita kuwa kasar Egypt tayi waje rod da kasar Morocco, ne da ci 1-0
A yanzu haka kasashen hudu sun samu nasaran zuwa wasan daf da na karshe (Semi Final) Ranar Laraba 1/2/2017 Burkina Faso zata kece raini da Egypt, Ranar Alhamis 2/2/2017 kasar Cameroon zata fafata da kasar Ghana.
A tarayyan Najeriya kuwa an shiga mako na biyar a bangaren firimiya lig (NPFL)2016/2017 ga yadda Sakamakon wasan ta kaya
Gombe United ta doke Sunshine 2-0, Plateau United, ta samu nasara akan Abia Warriors daci 2-1, Remo nada 2 El-kanemi nada 1, Rivers United 0-0 Lobi Stars.
MFM Fc ta yiwa Kano Pillars ci daya mai banhaushe 1-0, Enyimba ta doke Nasarawa United da kwallaye 2-1, Enugu Rangers nada 1 Niger Tornadoes nada 1.
Wikki tourist ta lallasa Ifeanyi Ubah da kwallaye 3-1
ABS Fc 2-0 Shooting Stars, Katsina United tayi kunnen doke 1-1 tsakaninta da Akwa United.
Har yanzu kungiyar kwallon kafa ta Plateau United ke jan ragamar teburin da maki 13, MFM Fc na mataki na biyu da maki 10, Eyimba tana matsayi na uku da maki 10.
Kasan tebur kuwa Shooting Stars tana mataki na Sha takwas da maki 4
Ita kuwa Kano Pillars tana mataki na sha tara da maki 3
Akwa United tana mataki na ashirin da maki 3 kaca