WASHINGTON, D. C. - Guguwar da ta taso daga yankin tekun Mexico na kara dannawa a fadin jihar Florida, kusan a daidai lokacin da aka shiga lokacin guguwa a farkon watan Yuni, wanda a wannan shekara ake hasashen yanayin zai yi muni fiye da yadda aka gani a baya, a daidai lokacin da kuma ake nuna damuwa kan cewa sauyin yanayi na kara wa guguwar karfi.
Hanyoyi da dama sun cika makil da ababen hawa. A kan babbar hanyar Interstate 95 da ke garin Broward, an sauya inda ababen hawa ke bi don kaucewa wa wani wuri da ruwa ya mamaye kuma masu aikin kwangila da ke kula da hanyoyi na kan hanyar zuwa fara aikin janye ruwan da ya cika magudanun ruwa a yankin, a cewar hukumar sintirin manyan hanyoyi ta jihar Florida a wani sakon imel.
Ba za a sake bude babbar hanyar ba har sai an janye ruwan, a cewar hukumar.
-AP