Trudeau yayi wadannan kalaman ne a jiya Juma’a, inda ya kara da cewar a shirye yake ya kare masana’antun Canada. Canada dai itace kasar waje da tafi samarwa Amurka wadannan karafan. Yayi kashedi cewa wannan harajin zai addabi Amurkawa masu amfani da wadannan karafan, saboda parashinsu zai haura.
Wannan mataki na Trump ya kuma shafi kungiyar Tarayyar Turai, inda shugaban hukumar zartarwar kungiyar Jean-Claude Junker, shima yayi kashedi cewa Tarayyara Turai zata rama wannan harajin daidai a kan kayan da ake yinsu a Amurka kamar barasan whisky da sutura da Babura.
Junker ya fadawa manema labarai jiya Juma’a a Jamus cewa, bai ji dadin Kalman da Trump yayi amfani dasu na Yakin Cinikayya ba.
Trump dai ya rubuta a shafinsa na Twitter cewa, Yakin cinikayya abu ne mai kyau kuma mai sauki wurin yin galaba.