Shugaban kasar Amurka Joe Biden zai gabatar da jawabi mai sosa zuciya ga al’ummar Amurka a yau Alhamis,
Shugaba Biden ya sha alwashin mika mulki ga Donald Trump cikin lumana bayan da babban abokin hamayyar siyasar tasa ya samu gagarumar rinjayen cin zabe akan Kamala Harris.
A wani al’amari da ake ganin zai yiwa Biden daci a rai, zai gabatar da jawabin ne a Rose Garden dake fadar White House a yau da misalin karfe 11 na safiya (karfe 4 agogon GMT) a kan sakamakon zabubbuka da mika mulki ga Trump a wa’adi na 2.
Biden ya janye daga yin takara da Trump a watan Yulin da ya gabata tare da mikawa mataimakiyarsa Kamala Harris tikitin yiwa jam’iyyar Democrat takarar.
Fadar White House ta bayyana cewar Biden ya zanta da Trump a jiya Laraba kuma “ya jaddada aniyar tabbatar da mika mulki cikin lumana tare da karfafa muhimmancin hada kan kasar.”