A wani dogon sako da ya wallafa a shafin Instagram a ranar Asabar, Israel ya yi wasu zarge-zarge akan matarsa Sheila.
Washington D.C. —
Israel Afeare, daya daga cikin hadiman mawaki Davido ya sanar da mutuwar aurensa.
Israel, wanda aka fi sani da Israel DMW, ya bayyana yadda aurensa da Sheila yake fuskantar matsaloli iri-iri.
A watan Oktoban shekarar 2022 Israel da Sheila suka yi aure.
A wani dogon sako da ya wallafa a shafin Instagram a ranar Asabar, Israel ya yi zarge-zarge akan matarsa Sheila.
Israel ya zargi Sheila da yarda ta auresa saboda ta ga yana da kudi. Ya kuma zarge ta da yin amfani da tauraruwarsa wajen gudanar da harkokinta.
A ranar Juma’a Sheila ta zargi Israel da yunkurin kuntata mata inda ta ce duk abin da ya same ta ko iyalanta Israel ne.