Majalisar dokokin dai ta samu baraka ne bayan da wasu yan majalisar 17 suka halarci gayyatar da gwamnan jihar yayi musu, kan matakin da ya dauka na nada kantomomi a kananan hukumomin jihar, yayin da wasu yan majalisar guda 6 suka nuna adawa da matakin.
A cewar sakataren jam’iyyar APC a jihar Nasarawa, Alhaji Aliyu Bello, a matsayinsu na iyaye suna kan tattaunawa da yan majalisar don sasanta su. Inda ya kara da cewa zasu duba suga waye ke da laifi su kuma gaya masa laifinsa, da kuma tabbatar da hakan bai sake faruwa ba nan gaba.
A jiya ne bangaren yan majalisar dake goyon bayan matakin gwamna na nada kantomomin, suka gudanar da taron manema labarai don fayyace matsayinsu na dakatar da yan majalisar 6 da suka bijirewa matakin na gwamna.
Domin karin bayani saurari rahotan Zainab Babaji.
Your browser doesn’t support HTML5
APC A Jihar Nasarawa Ta Fara Daukar Matakan Sasanta Yan Majalisun Jihar - 4'18"