Wasu Mazauna unguwar Bulunktu dake Maiduguri, jihar Bornon Nigeria sun kwana cikin Zullumi da fargaba sakamakon karar bindigogi da musayar harbe harbe-harbe tsakain jami’an tsaron hadin gwiwa da wadanda ake kyautata cewar mayakan ‘yan Boko haram ne.
Saurari:
A duk lokacin da aka sami irin wannan musayar harabe-harbe, mazauna unguwa kan fice ne daga unguwa zuwa wata unguwar ta dabam saboda tsoron abinda ka kai ya komo.
Ko a musayar wutar ran litinin, saida wasu mazauna unguwar Bulunkutun suka tattara nasu ya nasu suke fice daga unguwar sakamakon zargin da suka yin a cewar jami’an tsaro sun harbi mutane biyu a akafa, kuma daga daga cikin mutaten biyu ya rasa ransa sakamakon harbin kamar yadda jagoran mazauna unguwar kuma shaidar gani da ido Alhaji Bashir ya shaidawa wakilin muryar Amurka (VOA).