NIAMEY, NIGER - A wasikar da sashen yada labaran fadar shugaban kasa ta aikawa manema Labarai, shugaba Mohamed Bazoum ya ce "ya kai ‘dan uwana zababben shugaban Najeriya Asiwaju Bola Ahmed Tinubu, zaben da aka yi maka don shugabancin kasar Najeriya ina yi maka barka ina kuma yi maka fatan alheri da samun nasarori a ayyukan da ke gabanka."
"Ina yi wa al’ummar Najeriya jinjinar ban girma saboda jajircewarsu akan maganar tabbatar da dimokradiya."
A yadda aka yi zaben nan cikin yanayin mutunta ‘yanci da mutunta tsarin dimokradiya da yanayin haske, abu ne da ke jaddada matsayin dimokradiya a babbar kasarku, kuma alama ce da ke nuna ci gaban dimokradiya a nahiyar Afrika." In nji Bazoum.
A karshen wannan wasika ta taya Bola Ahmed Tinubu murnar samun nasarar lashe zabe, shugaba Mohamed Bazoum ya ce "da sunana da sunan al’ummar Nijar ina kara jinjina maka."
Saurari cikakken rahoto daga Souley Moumouni Barma:
