WASHINGTON, D.C. —
Bayan ya yi hannu da shugaba Kim a kan iyakar dake kauyen Panmunjom, Trump ya taka ya ketara layin soji da ya raba tsakanin kasashen koriyoyin biyu. Bayan haka Trump da Kim sun tsallaka zuwa cikin Kortea ta Kudu.
Barka da sake ganinka, Kim yana fadawa Trump, yace bana tsammanin zan ganka a nan wurin.
Tsallaka wannan iyaka wani babban girmamawa ne, inji Trump wanda ya gayyaci Kim zuwa Amurka domin sake wata ganawa.
Trump ya fada a ranar Asabar cewa ganawar su ba zata wuce minti biyu ba. Sai dai tattaunawar da Trump ya kwashe mintoci hamin yana yi da Kim a sirrance ta zama tamkar wani taron koli.
Facebook Forum