WASHINGTON, D. C. - A wata sanarwa da mai Magana da yawun shugaban kasar, Cif Ajuri Ngelale ya fitar a ranar Litinin, ya ce ziyarar shugaban na zuwa ne bisa gayyatar ta jamhuriyar Senegal.
Shugaba Tinubu, wanda shi ne shugaban kungiyar raya tattalin arzikin kasashen yammacin Afirka (ECOWAS), zai bi sahun sauran shugabannin kasashen yankin domin halartar bikin a cibiyar Diamniadio Exhibition Centre.
Ministan harkokin wajen kasar Yusuf Tuggar da wasu manyan jami'an gwamnati ne zasu raka shi a wannan ziyarar.
Ana sa ran shugaban zai dawo Najeriya bayan kammala rantsar da Bassirou Diomaye Faye a matsayin Shugaban kasar Senegal.
Dandalin Mu Tattauna