Sandi Lovric ne ya zura wa Udinese kwallo a minti na 13 da fara wasan yayin da Osimhen ya rama wa Napoli a minti na 52 da fara wasa a rabin lokaci na biyu.
Dan wasan mai shekaru 24 da haihuwa a yanzu ya zama dan wasan Afirka da ya fi cin kwallaye a gasar Seria A guda.
Ya kuma karya tarihin Samuel Eto’o na Kamaru na wanda ya fi yawan cin kwallaye a cikin 'yan wasan Afirka, inda ya ci kwallo a kakar gasar Seria-A guda daya da kwallaye 22.
Napoli ta lashe gasar Seria-A ta karshe a shekarar 1990.
Osimhen, Kvaratskhelia, da sauran yan wasan Spalletti sun fada tarihin Napoli. Watakila ba za su taba kafa tarihi irin na El Diego Maradona ba, amma har abada za su rike wuri na musamman a zukatan magoya bayan Azzurri, wadanda rabon su yi bikin samun wani matsayi haka tun cen wajen1990.
