Dan wasan Napoli Victor Osimhen ba zai buga a karawar da kungiyarsa za ta yi da AC Milan a yau Lahadi ba.
Kungiyar ta Napoli ta sanar a karshen makon nan cewa Osimhen wanda dan asalin Najeriya ne, ya ji rauni a kafarsa ta hagu.
Ta kara da cewa a mako mai zuwa za a duba yanayin ciwon nasa aga ko zai iya dawo buga tamaula.
Wannan rauni na Osimhen ya sa magiya bayan kungiyar ta Napoli sun fara dasa alamar tambaya ko dan wasan, wanda shi ne ya fi yawan kwallaye a gasar Serie A ta kasar Italiya, zai iya buga wasan quarter-finals da kungiyarsa za ta yi da Milan a gasar Champions League ba.
Osimhen ya zura kwallaye 21 a wasanni 24 da ya buga a wannan kakar wasa, lamarin da ya ba kungiyar tasa ta Napoli ba da tazarar maki 19 tare da zama a saman teburin gasar.
Osimhen ya ji raunin bayan da ya dawo daga bugawa Najeriya wasa.
