Washington D.C. —
Zakaran gasar Serie A Victor Osimhen ya dawo daga jinya bayan da ya yi fama da rauni a kafarsa ta hagu.
Jinyar ta sa bai buga karawar kungiyarsa ta Napoli ba inda ta sha kaye da ci 1-0 a makon da ya gabata.
Yanzu haka Napoli ta fara jin kamshin lashe kofi gasar, abin da rabon ta yi tun shekaru 30 da suka gabata yayin da ta ba da tazarar maki 14 a teburin gasar.
Kungiyar Lazio ce take biye da Napoli a teburin gasar ta Serie A.
Marigayi Maradona ne ya taba jagorantar kungiyar ta Napoli sau biyu inda ta lashe kofin a 1987 da 1990.
