Accessibility links

Labari da Dumi-Duminsa

Majalisar Dinkin Duniya Ta Yi Kira Da A Kawo Karshen Tashin Hankali A Syria


Majalisar Dinkin Duniya - UN
Majalisar Dinkin Duniya - UN

Wakilin Majalisar Dinkin Duniya na musamman kan kasar Syria ya yi kiran da a kawo karshen tashin hankali da kare fararen hula, yayin da kasar ke fama da sabbin tashe-tashen hankula watanni uku bayan hambarar da gwamnatin Bashar al-Assad.

Geir Pedersen ya yi wannan kiran ne a ranar Juma’a, ranar da ake cika shekaru 14 da fara zanga-zangar neman demokradiyya wadda ta kai fiye da shekaru goma ana yakin basasa.

"Abin da ya fara a matsayin neman sake yin garambawul a harkokin mulkin kasar, ya gamu da mummunan zalunci, wanda ya haifar da daya daga cikin rikice-rikice mafyai muni a tarihin wannan zamanin," in ji Pederson.

“Rikicin ya fallasa mafi munin zaluncin ‘dan Adam. Iyalai na ci gaba da nuna alhinin rashin 'yan uwansu, al'ummomi na ci gaba da wargajewa, miliyoyin mutane sun bar gidajensu, kuma da yawa suna ci gaba da neman wadanda suka bata."

Majalisar Dinkin Duniya ta ce rikicin ya raba mutane kusan miliyan 12 da muhallansu a Syria, ciki har da 'yan gudun hijira sama da miliyan 6.

An hambarar da gwamnatin Assad ne a watan Disamban 2024, amma kazamin tashin hankali da aka fara a ranar 6 ga watan Maris a yankin gabar tekun Syria da ya janyo asarar rayuka, ya dakushe fatan samun kwanciyar hankali, inda jami’an tsaro suka yi artabu da mayakan da ke biyayya ga tsohon shugaban, wanda ya yi sanadiyar mutuwar daruruwan mutane, ciki har da fararen hula da dama.

Dandalin Mu Tattauna

Alkaluma daga watan Janairu sun nuna ana ci gaba da samun hauhawar farashin kayan abinci, na mai da na gidaje da sauransu a Amurka
please wait
  • Auto
  • 240p
  • 360p
  • 480p
  • 720p
  • 810p

No media source currently available

0:00 3:02 0:00
  • Auto
  • 240p
  • 360p
  • 480p
  • 720p
  • 810p
Karin bayani akan Rahotannin Taskar VOA

Zaben 2023

Bayan wasu shekaru kasuwanni na rufe saboda matsalar tsaro a yankin Birnin Gwari na jihar Kaduna, a yanzu harkoki sun fara dawowa
please wait
  • Auto
  • 240p
  • 360p
  • 480p
  • 720p
  • 810p

No media source currently available

0:00 2:31 0:00
  • Auto
  • 240p
  • 360p
  • 480p
  • 720p
  • 810p
Karin bayani akan Rahotannin Taskar VOA
XS
SM
MD
LG