An bayyana sunan tsohon mai horar da ‘yan wasan kungiyar Everton Ronald Koeman a matsayin sabon mai kula da ‘yan wasan kasar Holland.
Koeman mai shekaru 54, da haihuwa ya rattaba hannun bisa yarjejeniya kwantirakin shekaru hudu da rabi inda zai karkare a shekara 2022, ya maye gurbin Dick Advocaat, ne wanda ya ajiye aikinsa bayan da ya gaza kai kasar gasar cin kofin duniya da za ayi a kasar Rasha a shakarar nan ta 2018.
Ronald Koeman ya takawa kasar ta Netherlands leda ya kuma rike kungiyar kwallon Kafa ta Everton kafin nan ta Sallami meshi a watan Oktoban 2017 bayan da kungiyar ta kasa tabuka wani abun kirki a gasar Firimiya lig na kasar Ingila.
Koeman zai fara wasansa na farko da tawagar kasarsa ta Netherlands a wasan da zasu kara da kasar Ingila ranar 23, ga watan Maris, shekara dubu biyu da sha takwas, (2018).
Facebook Forum