Babban abin damuwa ga masu harkar wakar hip-hop bai wuce yadda da dama idan munje neman wata alfarma ko ta aure ko makamancin haka sai a ce ai mawaki ne- inji matashin mawakin hip-hop Abdulrashid Idris wanda aka fi sani da Hyber dan Baba.
Ya bayyana haka ne a yayin da yake zantawa da wakiliyar DandalinVOA inda ya ce wakokinsa na fadakarwa ne mussaman ga matasa da ke da dabi’u marasa kyau- misali a wata wakarsa ta Dan-Baba.
Matashin ya bayyana cewa yana wa’azantar da matasa ‘yan daba, ko masu danfara inda ya yi wa ‘yan danfara lakani da ‘dan babadomin al’umma su sani tare da fadakar da ‘yan damafara domin su shiryu.
Dag karshe ya ce mafi yawan wakokinsa dai wa’azi ne, a cewarsa waka wata kafa ce ta isar da sakonnin cikin sauki. Dan baba ya ce burinsa wakokinsa su ilmantar tare da samun daukaka a fadin duniya.
Facebook Forum