Kungiyar Harka Islamiya ta Najeriya dake zanga zamgar ganin an sako Shaikh Ibrahim El-Zakzaky da aka kama biyo bayan hatsaniyar da aka samu tsakaninsojojin Najeriya da mabiya kungiyar shiya tayi watsi da daukacin sakamakon da kuma shawarwari da rahoton kwamitin da gwanatin Kaduna ta kafa.
Malam Abdulrahaman Abubakar Yola shugaban kungiyar masu hankoron an sako Zakzaky ya yiwa manema labarai a garin Kaduna.
Yace sun fito ne su bayyana matsayinsu akan rahoton binciken da gwamnatin jihar Kaduna ta kafa. Yace a dunkule rahoton ya nuna Shaikh Ibrahim El-Zakzaky shi yake da alhakin duk abun da ya faru. Yace sun nazarci rahoton sun kuma yi watsi dashi. Yace babu adalci a rahoton.
Yace rahoton ya ba wasu kariya. Mafita ita ce a kafa hukumar bincike ta kasashen duniya mai zaman kanta.
Ga rahoton Isa Lawal Ikara da karin bayani
