WASHINGTON, D. C. - An kuma tsare mutane da dama da suka hada da manajojin gidan rawar domin amsa tambayoyi.
A cikin wata sanarwa da ofishin gwamnan Istanbul ya fitar, ya ce akalla mutum guda yana jinya a asibiti.
Gidan rawan Masquerade Nightclub, wanda aka rufe don gyarawa, yana ƙasa kuma karkashin benaye na wani gidajen zama mai hawa 16 a gundumar Besiktas da ke gefen Turai na birnin wanda Bosphorus ya raba. Daga baya an samu kashe wutar.
Gwamna Davut Gul ya shaidawa manema labarai a wurin da lamarin ya faru cewa, ana gudanar da bincike kan musabbabin tashin gobarar, kuma ana kyautata zaton wadanda abin ya shafa masu aikin gyara ne a wajen.
Hukumomin kasar sun tsare mutane biyar domin yi musu tambayoyi da suka hada da manajojin gidan rawar da kuma mutum daya da ke kula da gyare-gyaren, in ji ministan shari’a Yilmaz Tunc.
Magajin garin Ekrem Imamoglu ya ce hukumomi na kuma duba daukacin ginin domin tantance lafiyarsa.
Ya ce an aike da jami’an kashe gobara da na likitoci da dama zuwa wurin.
-AP
Dandalin Mu Tattauna