Anyi taho mu gamu a tsakanin masu zanga-zanga a biranen Alkahira da Alexandria, lokacin da dubban masu zanga-zanga suka cika tituna domin nuna goyon baya ga shugabannin soja da kuma masu goyon baya ga kungiyar Muslim Brotherhood.
WASHINGTON, D.C —
A birnin Alexandria,magoya baya da wadanda basa goyon bayan hambararen shugaba Mohammed Morsi sun jejjefi junansu da duwatsu kowane bangare yana yiwa dayan (Tofin Allah Tsine).
A birnin Alkahira kuma, Magoya bayan Morsi sun gwabza fada da dubban masu zanga-zangar amsa kiran shugabbanin soja da su fito su hadu domin fara zanga-zanga a Dandalin Tahrir.
Jagoran rundunar sojin Misra Abdel Fattah el-sissi yace wajibi ne a fito ayi zanga-zangar nunawa matakan da soja ke dauka goyon baya domin karfafa gwiwar yaki da ayyukan ta’addanci.
