Ya Yi Batan Dabo Da Naira Miliyan 45 EFCC Na Nemansa

WASHINGTON, DC — 

Hukumar yaki da cin hanci da rashawa wato EFCC, na neman wani mutune mai suna Jerry Ogbonna Obike Phillip, ruwa a jallo.

Shi dai Ogbonna Phillip, ana neman sa ne saboda ya fidda wasu kudade da akayi kuskuren sawa a cikin ajiyarsa a banki.

Hukumar ta EFCC, a shafinta na Facebook, ta ce tana neman Ogbonna Phillip, a dalilin sata.

Phillip,wanda hukumar ta EFCC, ke nema ya yi batan dabo da wasu kudade har Naira miliyan 45, da aka yi kuskuren sasu cikin ajiyarsa a wani banki a Najeriya.

Ko kafin a farga a dai daita alamarin Phillip, ya jeye kudaden kuma ya cika wandon sa da iska.