Dandalin VOA ya sami zantawa da matasa maza da mata domin jin ta bakin su dangane da yaudara da kan faru tsakanin samari da 'yan mata.
Da farko mun fara jin ta bakin wata matashiya wadda ta bayyana mana cewar ita kam lallai ta bada gaskiyar cewa samari sun fi yaudara domin kuwa, kana iya ganin saurayi guda amma 'yan matan sa sun kai goma, kuma duk wadda ya ziyarta bazai taba nuna mata yana da wata budurwa a wani wuri ba.
Haka kuma wani saurayi shima ya nuna cewar atafau 'yan mata sun fi yaudara, domin kuwa an yaudare shi ba adadi. kuma ya kara da cewa yanzu duk abinda zaka yi idan baka yauari yarinya ba to baka cika saurayi ba.
Dandali ya zanta da sauran samari da 'yan matan kuma dukkan su sun bada hujjojin su da kuma irin yaudarar da abokan su ko samari ko 'yan mata suka taba yi masu.
Ga cikakkiyar hirar;
