Wasu 'Yan Wasa Ne Ba Zasu Buga Ba A Karawar Manchester United Da Makwabciyarta Manchester City? - 25/3/2014
Yaya Toure na Manchester City (dama) yana kokawar kwallo da Wayne Rooney na Manchester United a karawar battar da suka yi litinin 30 Afrilu 2012, a filin wasa na Etihad dake birnin Manchester a Ingila, inda City ta doke United da ci 1-0.
WASHINGTON, DC —
David Moyes ya ki ya bayyana ko wasu daga cikin ‘yan wasansa da suka ji rauni zasu shiga karon battar firimiya ta yau talata a tsakanin Manchester United da abokiyar hamayyarta Manchester City. Chris Smalling, Johnny Evans da Rio Ferdinand ba su buga wasan da Manchester United ta yi ranar asabar da West Ham ba. Sai dai kuma an tabbatar da cewa Nemanja Vidic da Robin van Persie ba zasu buga wasan na yau ba.
A bangaren Manchester City kuwa, kyaftin din ta Vincent Kompany zai komo daga dakatarwar wasa guda da aka yi masa domin kara karfin baya na kungiyar. Kompany bai buga wasan da Manchester City ta yi da Fulham a makon da ya shige ba. Sai dai kuma shi ma manajan City, Manuel Pellegrini, akwai ‘yan wasansa biyu da ba zasu iya bugawa ba saboda rauni, watau Sergio Aguero da Matija Nastasic.
Your browser doesn’t support HTML5
Manchester United Zata Kara Da manchester City In An Jima - 1'00"
