Shugaban Amurka Donald Trump ya kare kansa game da matakin da ya dauka na sallamar daraktan hukumar bincike ta FBI James Comey, yana cewa, “Ai baya aikinsa ne da kyau. Illa iyaka”
WASHINGTON D.C. —
Trump yayi wannan furuci ne a ofishinsa a jiya Laraba a lokacin da yake tare da tsohon sakataren harkokin wajen Amurka Henry Kissinger.
Kafin nan Trump ya fadi a shafinsa na kafar Twitter cewa kowani dan Republican da dan Democrat da ke Washington ya yanke kauna ga Comey.
A cikin jerin sakwannin Tweeter da ya dora a shafinsa, Trump yace wanda za a nada madadin Comey, zai yi aiki mai inganci ya dawo wa hukumar FBI mutuncinta da darajarta.
Shima mataimakin shugaban kasa Mike Pence ya kare matakin shugaban a jiya Larabaya da cewa Trump ya dau matakin da ya dace kuma a daidan lokacin da ya dace.