Tinubu Ya Kirkiri Ma’aikatar Bunkasa Kiwon Dabbobi

Shugaban Najeriya Bola Tinubu ya sanarda kirkirar Ma’aikatar Bunkasa Kiwon Dabbobi ta tarayya.

Shugaba Tinubu ya bayyana hakan ne a yau Talata sa’ilin daya kafa wani kwamitin shugaban kasa akan gudanar da sauye-sauye a harkar kiwon dabbobi a dakin taron fadar shugaban kasa dake Abuja.

Shugaban kasar ne zai jagoranci kwamitin, a yayin da tsohon shugaban hukumar zabe ta kasa (INEC), Attahiru Jega, zai kasance mataimakinsa.