Shugaban Amurka Donald Trump ya soke tsarin da ya ba sojoji damar sauya jinsinsu na asali yayinda suke aikin soja
WASHINGTON,DC —
Shugaba Donald Trump yace yanzu rudunar sojan kasar ba zata bari wadanda suka sauya jinsinsu na asali su yi aikin soja a kowanne mataki ba, abinda ya sauya tsarin da gwamnatin tsohon shugaban kasa Barack Obama ta sanar bara.
A jerin bayanai da ya yi ta hanyar sadarwar twitter, Trump yace, “bayan na nemi shawarar jami’an soja da kuma kwararru na a fannin aikin soja”, zan daina amincewa da wadanda suka canza jinsinsu suyi aiki a rundunar sojojin kasar.
Ya rubuta cewa “tilas ne rundunar sojinmu ta maida hankali kan samun gagarumar nasara, ba za a dora mata nawayar tsadar jinyar da masu canza jinsi suke jawowa rundunar ba. Na gode" in ji shi.