WASHINGTON DC —
Fadar shugaban Amirka ta White House taki bada cikakken bayani a kan ganawar da shugaba Donald Trump da shugaban Rasha Vladmir Putin suka yi a wurin wani liyafar cin abincin dare da aka yi a wajen taron kasashe masu karfin tattalin arziki na G20 a farkon wannan wata.
Wannan liyafa ce ta jama’a, a cewar mai magana da yawur fadar White House Sarah Huckabee Sanders a bayanin da ta yi wa manema labarai wadanda suka matsa mata a jiya Laraba a kan wannan ganawa da shugabannin biyu suka yi.
Wani daga cikin kusoshin jami’iyar Democrat a kwamitin tattara bayanan sirrin a majalisar wakilai Adam Schiff yace, ya yi mamakin jin wannan ganawar.
Adam Schiff ya dora a shafinsa na sada zumunta na Twitter cewar wannan ne Trump ke kira bayyana gaskiya.
Facebook Forum