Kungiyar kwallon kafa ta River Plate ta lashe gasar cin kofin Copa, na bana bayan da ta lallasa kungiyar Tigres a karawarsu zagaye na biyu jiya laraba da cin 3 da 0.
River plate dai ta kwashe shekaru 19, ta hankoron lashe wannan kofin kafin wannan nasaran da tayi akan kungiyar Tigres.
A karawarsu na farko a Mexico ana tashi wasa babu wanda ya jefa koda kwallo daya a raga.
Shi kuwa, Jose Mourinho, kare Radamel Falcao,yayi na rashin tabuka abun arziki a farko wasanin sa a Chelsea, kuma yace bashi da tabbas ko Diego Costa, zai samu murza Leda a wasan da zasu yi a ranar asabar da kungiyar Swansea City.
Akan Costa, Mourinho yace baya so yayi karya cewa Costa zai iya buga wasan ko bazai iya ba, amma zai yi mamaki idan har bai iya buga wasan da zasu yi akarshi mako ba.