Lionel Messi na kasar Argentina ne ya lashe kambun na bana yayin da ya kara da zaratan ‘yan wasa irinsu Erling Haaland.
Washington D.C. —
Fitaccen mawakin Najeriya Rema ya nishadantar da mahalart bikin ba da kambun Ballon d’Or da aka yi a Paris babban birnin Faransa.
Rema ya yi fitacciyar wakarsan nan da ke tashe mai taken “Calm Down” a bikin na 2023.
Rema, wanda asalin sunansa Divine Ikubor, ya zamanto mawakin Najeriya na faarko da ya yi waka a bikin na Ballon d’Or da ake karrama gwarzon dan wasan kwallon kafa na shekara.
Lionel Messi na kasar Argentina ne ya lashe kambun na bana yayin da ya kara da zaratan ‘yan wasa irinsu Erling Haaland.
Wannan shi ne karo na takwas da Messi yake lashe wannan kyauta.