Sheikh Argungu wanda shi ne shugaban kwamitin gudanar da ayyuka na kungiyar Izala, ya rasu ne bayan fama da gajeruwar jinya a birnin Kebbi, babban birnin jihar Kebbi.
Shugaban JIBWIS Sheikh Abdullahi Bala Lau ya bayyana juyayin rasuwar Sheikh Giro Argungu wanda ya bayyana a matsayin mutumin da ba ya kasa a guiwa kan dukkan aiyukan alheri da ya sa a gaba.
Sheikh Bala Lau ya ce za a gudanar da jana'izar marigayin a garin sa Argungu yau alhamis din nan bayan sallar azahar.
Gabanin wannan rasuwa ta Sheikh Argungu an taba samun lokaci sau daya ko sau biyu a baya da a ka yayata rasuwar malamin in da lamarin ya zama ba haka ba ne.
An yi wa marigayin tambaya a lokacin inda ya nuna hakan ya tunatar da shi cewa mutuwa na nan tafe.
Sheikh Giro ya shahara ainun a fagen wa'azin sa na koyarwa a majalisun karatu da kan mumbari a ciki da wajen Najeriya da ma musamman a Makkah da Madina.
Saurari rahoton:
Your browser doesn’t support HTML5
FUNERAL PRAYER OF SHEIKH ARGUNGU LATER TODAY.mp3